У Універсітэце НАН Беларусі адбылася адукацыйная праграма па прымяненні штучнага інтэлекту ў навуцы.

З 25 па 29 мая 2026 г. ва Універсітэце НАН Беларусі прайшлі заняткі па адукацыйнай праграме павышэння кваліфікацыі «Штучны інтэлект для даследчыкаў і навуковых супрацоўнікаў».

Адукацыйная праграма была накіравана на навучанне даследчыкаў і навуковых супрацоўнікаў практычнаму і адказнаму выкарыстанню метадаў штучнага інтэлекту (далей – ШІ) для павышэння якасці, хуткасці і маштабаванасці навуковых даследаванняў. Сярод больш за 30 слухачоў былі прадстаўлены не толькі супрацоўнікі ўстаноў НАН Беларусі, але і работнікі БДУІР, БНТУ, БДСГА, БелДУТ, Акадэміі адукацыі, ААТ «БЕЛАЎТАМАЗ», ААТ «Полацк Шкловалакно», ААТ «Інтэграл», РУП «Беларуснафта», ААТ «АМКОДОР» і іншых арганізацый.

Праграма ўключала практычныя заняткі па шырокім спектры актуальных тэм, уключаючы комплексны аналіз спецыялізаваных ШІ-інструментаў, візуалізацыю і прасоўванне ідэй з дапамогай ШІ, перадавыя тэхнікі промпт-інжынірынгу, аўтаматызацыю збору даных і сістэматычнага пошуку літаратуры, этычныя пытанні і вызначэнне зон адказнасці даследчыка. Асаблівае месца ў праграме занялі пытанні захавання акадэмічнай сумленнасці пры выкарыстанні ШІ.

Заняткі праходзілі ў гібрыдным фармаце, з выкарыстаннем інфармацыйна-камунікатыўных тэхналогій. Па выніках курсаў павышэння кваліфікацыі слухачам былі выдадзены пасведчанні дзяржаўнага ўзору.