18 красавіка Універсітэт Нацыянальнай акадэміі навук Беларусі традыцыйна далучыўся да рэспубліканскага суботніка.

18 красавіка Універсітэт Нацыянальнай акадэміі навук Беларусі традыцыйна далучыўся да рэспубліканскага суботніка. У работу ўключыліся супрацоўнікі, прафсаюзная арганізацыя і кіраўніцтва Універсітэта. Была праведзена работа па прывядзенні ў належны стан і азеляненні прылеглай тэрыторыі, а таксама генеральная ўборка ў кабінетах, у падвальных памяшканнях новага будынка і на працоўных месцах. Каманда ачысціла тэрыторыю ад апалага лісця, сухіх галінак, бытавога смецця, а таксама ўпрыгожыла яе, высадзіўшы дэкаратыўныя кусты і кветкі. Кожны ўдзельнік суботніка ўнёс свой уклад у агульную справу.

Рэспубліканскі суботнік праводзіцца па ўсёй краіне згодна з пастановай Савета Міністраў Рэспублікі Беларусь ад 31.03.2026 г. № 150 «Аб правядзенні рэспубліканскага суботніка ў 2026 годзе».

Грашовыя сродкі, заробленыя ў дзень правядзення рэспубліканскага суботніка, будуць накіраваны на будаўніцтва Нацыянальнага гістарычнага музея Беларусі.

Рэктар Універсітэта Марат Жылінскі падзякаваў усім супрацоўнікам за актыўны ўдзел і асабісты ўклад кожнага ў правядзенне суботніка і адзначыў, што сумеснымі намаганнямі можна дасягнуць высокіх вынікаў, а таксама падкрэсліў, што такія мерапрыемствы важныя для фарміравання актыўнай грамадзянскай пазіцыі.