Ва Універсітэце прайшоў Дзень спецыяльнасці «Юрыспрудэнцыя» для замежных магістрантаў.

Ва Універсітэце прайшоў Дзень спецыяльнасці «Юрыспрудэнцыя» для замежных магістрантаў.

У рамках рэалізацыі адукацыйнай праграмы па спецыяльнасці «Юрыспрудэнцыя» кафедрай біёлага-эканамічных дысцыплін 17 красавіка 2026 года праведзены Дзень спецыяльнасці «Юрыспрудэнцыя» для замежных магістрантаў. У мерапрыемстве прынялі ўдзел магістранты з Кітайскай Народнай Рэспублікі, якія навучаюцца на англійскай мове. Мадэратарам выступіў загадчык кафедры біёлага-эканамічных дысцыплін Аляксандр Дашкевіч.

Праграма адкрылася навуковым семінарам, на якім з уступным словам выступіў прарэктар па вучэбнай рабоце Дзмітрый Мазарчук. У рамках асноўнага даклада падрабязна расказала аб прававым статусе Акадэміі навук і спецыфіцы навукова-арганізацыйнай працы ў Беларусі начальнік упраўлення навукова-арганізацыйнай і прававой працы апарата НАН Беларусі, старшыня першаснай арганізацыі ГА «Беларускі саюз жанчын» НАН Беларусі, кандыдат юрыдычных навук, дацэнт Юлія Кочурка.

Дапаўненнем да семінара стала выстаўка «Працы вучоных НАН Беларусі», падрыхтаваная універсітэцкай бібліятэкай.

Кульмінацыяй Дня спецыяльнасці «Юрыспрудэнцыя» стала цырымонія ўручэння студэнцкіх білетаў. Рэктар Універсітэта НАН Беларусі Марат Жылінскі павіншаваў магістрантаў, адзначыўшы: «У нашым Універсітэце створаны ўнікальныя ўмовы: мы выкарыстоўваем увесь патэнцыял Нацыянальнай акадэміі навук, каб вы атрымалі адукацыю сусветнага ўзроўню». Ён падкрэсліў перавагу навучання на базе Акадэміі навук і асабіста ўручыў магістрантам з Кітайскай Народнай Рэспублікі студэнцкія білеты.

Святочную атмасферу падтрымаў музычны нумар, спецыяльна падрыхтаваны віртуознай беларускай скрыпачкай Анастасіяй Дударэвай для ўдзельнікаў Дня спецыяльнасці.