«Сучасныя падходы да развіцця рэгшёнаў: ад эканомікі да сацыяльнай інфраструктуры»

У Дзяржаўнай установе адукацыі «Універсітэт Нацыянальнай акадэміі навук Беларусі» 19.03.2026 г. адбыўся Адзіны дзень інфармавання. Асноўнай тэмай для абмеркавання стала: «Сучасныя падходы да развіцця рэгшёнаў: ад эканомікі да сацыяльнай інфраструктуры».
У сваім дакладзе прарэктар па навукова-метадычнай рабоце, Гусакоў Ягор Уладзіміравіч, падкрэсліў, што ў штогадовым Пасланні Прэзідэнта Рэспублікі Беларусь, вакол якога мы звычайна і выбудоўваем разуменне будучыні краіны – ад эканомікі і прадуктовай бяспекі да захавання чалавечага патэнцыялу і нацыянальнай ідэнтычнасці – Кіраўнік дзяржавы, Аляксандр Рыгоравіч Лукашэнка адзначыў: «Мая задача – выратаваць вёску, каб гэта не былі пустыя пакрыўленыя хаты. Каб там жылі людзі, дзе толькі магчыма… таму што вёска – аснова, аснова асноў нашага жыцця. Не будзе вёскі – загінем, дзяржава існаваць без гэтага не можа».
Акрамя таго, у дакладзе прарэктара было адзначана, што значны ўклад у развіццё рэгіёнаў уносіць ініцыятыва Кіраўніка дзяржавы А. Р. Лукашэнкі «Адзін раён – адзін праект», накіраваная на актывізацыю інвестыцыйнай дзейнасці і ўмацаванне эканомікі рэгіёнаў.
Падводзячы вынік, Ягор Уладзіміравіч адзначыў, што ад перспектыў развіцця кожнага кутка роднай Беларусі залежыць, наколькі моцнай і квітнеючай будзе наша дзяржава, як паспяхова зможа справляцца з сучаснымі выклікамі і пагрозамі, наколькі ўпэўненымі ў заўтрашнім дні будуць беларускія грамадзяне.
«Моцныя рэгіёны – гэта галоўны прыярытэт. Усе кірункі эканомікі, пра якія гаварыў вышэй, павінны быць пакладзены ў аснову новай рэгіянальнай палітыкі. У кожнай вобласці і раёне туды змяшчаем цэнтр цяжару, усе сілы і рэсурсы. Найважнейшая задача – спыніць адток людзей з рэгіёнаў, разгрузіць сталіцу, абласныя цэнтры», – падкрэсліў Прэзідэнт Рэспублікі Беларусь А. Р. Лукашэнка 18 снежня 2025 г.