Замежныя магістранты спецыяльнасці «Юрыспрудэнцыя» наведалі Нацыянальную бібліятэку Беларусі

У рамках рэалізацыі адукацыйнай праграмы па спецыяльнасці «Юрыспрудэнцыя» для магістрантаў з Кітайскай Народнай Рэспублікі кафедрай біёлага-эканамічных дысцыплін арганізавана наведванне Нацыянальнай бібліятэкі Беларусі. У якасці мадэратара мерапрыемства выступіў загадчык кафедры Аляксандр Дашкевіч.

Праграма наведвання ўключала правядзенне для замежных навучэнцаў з Кітайскай Народнай Рэспублікі экскурсіі і семінара па рабоце з навуковай літаратурай і нарматыўнымі прававымі актамі, прадастаўлена магчымасць удзелу ў тэматычных пляцоўках Нацыянальнай бібліятэкі Беларусі.

У рамках экскурсіі і семінара навучэнцы з Кітайскай Народнай Рэспублікі азнаёміліся з унікальнымі магчымасцямі Нацыянальнай бібліятэкі Беларусі для правядзення навуковых даследаванняў, разгледзелі ролю бібліятэчных фондаў у інфармацыйным забеспячэнні навучальнага працэсу і самаадукацыі магістрантаў, пазнаёміліся з архітэктурнымі асаблівасцямі будынка і гісторыяй культурнага і навуковага цэнтра.

Выдатным дапаўненнем да экскурсіі і семінара стала магчымасць акунуцца ў святочную атмасферу рэспубліканскай культурнай акцыі «Бібліяноч – 2026» і наведаць тэматычныя пляцоўкі на базе Нацыянальнай бібліятэкі Беларусі, пазнаёміцца з культурнымі традыцыямі нашай краіны.