Магістрант Універсітэта НАН Беларусі выступіла на круглым стале, прысвечаным пытанням рэстаўрацыі помнікаў культуры.

На рэспубліканскім беларуска-расійскім круглым стале «Актуальныя пытанні захавання і рэстаўрацыі музейных помнікаў», які адбыўся 11-12 верасня 2025 года на базе музея-запаведніка «Востраў-град Свіяжск», з дакладам выступіла магістрант спецыяльнасці «Археалогія» Універсітэта НАН Беларусі Ірына Вежнавец. Даклад абапіраўся на вынікі ўласных даследаванняў маладога вучонага ў рэстаўрацыйным аддзеле музея-запаведніка «Нясвіж» і быў прысвечаны праблеме захавання і падрыхтоўкі да рэстаўрацыі тэкстылю з крыпты касцёла Божага Цела ў г. Нясвіж. Таксама былі разгледжаны іншыя пытанні вывучэння захаванасці і рэстаўрацыі прадметаў музейнага захоўвання.