Першым абітурыентам прыёмнай кампаніі Універсітэта НАН Беларусі ў 2026 г. стаў выпускнік Рэспубліканскай школы маладых вучоных НАН Беларусі.

Ва Універсітэце НАН Беларусі з 27 чэрвеня 2026 г. стартаваў прыём дакументаў ад абітурыентаў для атрымання паглыбленай вышэйшай адукацыі. Першым абітурыентам, які падаў дакументы ў прыёмную камісію ўніверсітэта, стала выпускніца Рэспубліканскай школы маладых вучоных НАН Беларусі 2026 г. Ганна Рамашэва. Як падкрэслівае Ганна, рашэнне паступаць ва Універсітэт НАН Беларусі стала яе свядомым выбарам. Падчас навучання ў Рэспубліканскай школе маладых вучоных на базе Універсітэта НАН Беларусі яна пераканалася, што тут створаны ўсе неабходныя ўмовы для паспяховай навуковай кар’еры, улічваючы навуковы патэнцыял і ўнікальныя магчымасці Нацыянальнай акадэміі навук Беларусі. З падачай дакументаў на спецыяльнасць «Біялогія» ад імя кіраўніцтва ўніверсітэта яе павіншаваў адказны сакратар прыёмнай камісіі Аляксандр Дашкевіч.