Рэспубліканская школа маладых вучоных «Навука – выбар будучыні» ва Універсітэце НАН Беларусі.

Арганізатарамі Рэспубліканскай школы маладых вучоных «Навука – выбар будучыні» 14-15 мая 2026 г. выступілі Універсітэт НАН Беларусі і Савет маладых вучоных НАН Беларусі. Урачыстае адкрыццё мерапрыемства прайшло ў вялікім канферэнц-зале НАН Беларусі (https://www.sb.by/articles/v-nan-belarusi-nachala-rabotu-respublikanskaya-shkola-molodykh-uchenykh-nauka-vybor-budushchego.html).

Двухдзённы інтэнсіў Школы аб’яднаў экспертаў акадэмічнага асяроддзя, кіраўнікоў ведамстваў і маладых спецыялістаў, якія абмеркавалі актуальныя вектары развіцця сучаснай навукі і стратэгіі прафесійнага росту.

Праца другога этапа Школы маладых вучоных праходзіла 15 мая на базе Універсітэта НАН Беларусі па дзесяці профільных секцыях: Фізіка, матэматыка і інфарматыка; Фізіка-тэхнічныя навукі; Хімія і навукі аб Зямлі; Біялагічныя навукі. Аграрныя навукі; Медыцынскія навукі; Эканоміка; Юрыспрудэнцыя; Гісторыя і археалогія; Даследаванні культуры, мовы і літаратуры; Сацыялогія. Філасофія. Педагогіка.

У рамках лекцый аб перспектыўных навуковых кірунках і семінараў аб належнай практыцы вядзення навуковай дзейнасці выступілі вядомыя вучоныя аддзяленняў навук і навуковых інстытутаў НАН Беларусі, Універсітэта НАН Беларусі, Нацыянальнага цэнтра заканадаўства і прававой інфармацыі Рэспублікі Беларусь, вядучых УВА краіны.

Завяршылася праца Школы ўрачыстым уручэннем сертыфікатаў аб навучанні.