Магістранты ўніверсітэта наведалі Аб’яднаны інстытут праблем інфарматыкі НАН Беларусі

З мэтай умацавання міжнацыянальнага навукова-культурнага дыялогу, а таксама ў рамках выхаваўчай работы беларускія і кітайскія магістранты Універсітэта НАН Беларусі наведалі ДНУ «Аб’яднаны інстытут праблем інфарматыкі Нацыянальнай акадэміі навук Беларусі» – вядучую арганізацыю краіны па фундаментальных і прыкладных даследаваннях у галіне інфармацыйных тэхналогій.
Экскурсія пачалася ў інстытуцкім музеі з інфармацыі аб багатай шматгадовай гісторыі развіцця ўстановы, яе навуковых школах і кіраўніках. Для замежных гасцей экскурсіі супрацоўнікі аддзела інтэлектуальных сэрвісаў АІПІ падрыхтавалі прывітанне на кітайскай мове.
У ходзе экскурсіі магістранты ўніверсітэта наведалі лабараторыю робататэхнічных сістэм, лабараторыю распазнавання і сінтэзу маўлення, а таксама суперкамп’ютарны цэнтр. У кожнай з лабараторый адбыўся жывы дыялог з супрацоўнікамі, магістранты з цікавасцю задавалі пытанні аб дзейнасці ўстановы, магчымасцях і актуальных кірунках навуковых даследаванняў.