Рэктар Універсітэта М.Г.Жылінскі прыняў удзел у IV пасяджэнні Экспертна-кансультатыўнага расійска-беларускага савета па гісторыі.

Рэктар Універсітэта НАН Беларусі Марат Жылінскі прыняў удзел у IV пасяджэнні Экспертна-кансультатыўнага расійска-беларускага савета па гісторыі і II Міжнароднай навукова-практычнай канферэнцыі «Метадалогія і тэрміналогія гістарычнага ведання ў кантэксце ўмацавання расійска-беларускага сацыягуманітарнага ўзаемадзеяння», якія прайшлі 10-11 кастрычніка 2025 г. на пляцоўцы Дагестанскага дзяржаўнага ўніверсітэта (Махачкала, Расійская Федэрацыя).
Чацвёртае пасяджэнне ЭКС працягнула сумесную працу расійскіх і беларускіх гісторыкаў у справе процістаяння спробам скажэння і фальсіфікацыі гістарычнага мінулага братніх народаў. Мерапрыемства аб’яднала вядучых гісторыкаў, выкладчыкаў ВНУ, архівістаў і музейных спецыялістаў Расіі і Беларусі. Ад імя кіраўніцтва Рэспублікі Дагестан гасцей павітаў Саветнік Кіраўніка Дагестана Энрык Мусьлімаў.
Праграма ўключала пленарнае пасяджэнне, работу тэматычных секцый, а таксама цырымоніі падпісання пагадненняў аб навуковым супрацоўніцтве.
У рамках канферэнцыі рэктар Універсітэта НАН Беларусі Марат Жылінскі і рэктар Дагестанскага дзяржаўнага ўніверсітэта Мартазалі Рабаданаў падпісалі дагавор аб міжнародным супрацоўніцтве, які прадугледжвае развіццё акадэмічных сувязей, правядзенне сумесных даследаванняў і абмен выкладчыкамі і студэнтамі. Падпісанне дадзенага пагаднення стала важным крокам ва ўмацаванні навуковых і адукацыйных сувязей паміж універсітэтамі Беларусі і Дагестана.
У ходзе пасяджэння адбылося абмеркаванне вынікаў дзейнасці Экспертна-кансультатыўнага расійска-беларускага савета па гісторыі за мінулы перыяд, уключаючы вынікі ўзаемнага рэцэнзавання расійскіх і беларускіх падручнікаў і навучальных дапаможнікаў; ход работ па падрыхтоўцы публікацый у расійска-беларускай «Серыі Экспертна-кансультатыўнага расійска-беларускага савета па гісторыі»; рэалізацыю сумесных навуковых і адукацыйных праектаў.
Рашэнні IV пасяджэння Экспертна-кансультатыўнага савета былі замацаваны прынятай па выніках правядзення мерапрыемства Рэзалюцыяй.