У Нацыянальнай акадэміі навук Беларусі прайшла Рэспубліканская школа маладых вучоных «Навука – выбар будучыні».

Арганізатарамі мерапрыемства 14-15 мая 2026 г. выступілі Універсітэт НАН Беларусі і Савет маладых вучоных НАН Беларусі. Урачыстае адкрыццё мерапрыемства прайшло ў вялікім канферэнц-зале НАН Беларусі (https://www.sb.by/articles/v-nan-belarusi-nachala-rabotu-respublikanskaya-shkola-molodykh-uchenykh-nauka-vybor-budushchego.html). Пленарнае пасяджэнне адкрыла вітальнае слова да ўдзельнікаў Школы маладых вучоных, зачытанае ад імя Старшыні Прэзідыума НАН Беларусі Уладзіміра Сцяпанавіча Караніка.

Праграма першага дня была сфакусавана на сістэмных пытаннях навуковай дзейнасці. На пленарным пасяджэнні прагучалі даклады Старшыні Вышэйшай атэстацыйнай камісіі Рэспублікі Беларусь Аляксандра Гучка, галоўнага вучонага сакратара НАН Беларусі Васіля Гурскага, дырэктара Беларускага інстытута сістэмнага аналізу і інфармацыйнага забеспячэння Уладзіміра Сушы, рэктара Універсітэта НАН Беларусі Марата Жылінскага, афіцыйнага прадстаўніка кампаніі «Антыплагіят» у Беларусі па навучанні Ірыны Стрэлковай, вучонага сакратара Цэнтральнай навуковай бібліятэкі НАН Беларусі Ірыны Каменда, старшыні Савета маладых вучоных НАН Беларусі Максіма Кучвальскага.

Выступы дакладчыкаў выклікалі шчыры інтарэс і жывы водгук у аўдыторыі. Удзельнікі актыўна задавалі пытанні, якія датычацца парадку атэстацыі навуковых кадраў, выкарыстання сучасных інфармацыйных рэсурсаў і мер дзяржаўнай падтрымкі таленавітай моладзі. Такі фармат узаемадзеяння дазволіў маладым вучоным атрымаць прамыя адказы на важныя для іх кар’еры пытанні.